Удмурт калыклэн мифъёсыныз но дауркылъёсыныз тодматозы «Читай, Ижевск!» фестивальын. Ужрад туэ ортчоз ни 7 — тӥзэ, Ижкарысь библиотекаослэн сознэтсы кичӧлтэмъя.
Котькуд ар та фестивальын аслэсьтыз сэрегзэ усьтэ Флор Васильев нимо лыдӟиськонни. Туэ та библиотекалы шуд усиз «Мифы и легенды удмуртского народа» книгалэсь презентацизэ ортчытыны. Со сярысь ивортӥз валтӥсь библиотекарь Елена Пономарёва. Солэн верамезъя, Киров нимо парклэн фан-зонаяз отемын «Удмуртия» книгапоттониысь чеберлыкъя редактор Юрий Лобанов. Ӵапак со усьтоз книгалэсь суредъёсын узырмытэм пуштроссэ. Книга чеберъямын Удмуртиысь калык суредасьлэн Менсадык Гариповлэн суредъёсыныз. Со сяна ужрадэ лыктэмъёс тодматскыны быгатозы бичетысь одӥгеныз произведениен. Сое возьматозы Ижкарысь «Балаганчик» театрысь усточиос.
Комментарии
Отправить комментарий