Росси гурт шудонъёсын Удмуртилэн командаез аслаз группаяз 1-тӥ инты басьтӥз

Ӵошатсконъёс ортчизы Воронеж улосвылысь Нововоронеж карын. Отчы 65 улосвылъёслэн комнадоссы пыриськизы. Гуртъёсын 600 сюрсозь улӥсьёсын улосвылъёс пӧлын элькунысьтымы спортсменъёс тужгес кужмоосыз вал. Нош огъя протоколын асьмелэнъёс 8-тӥ чуре интыяськизы. 10-тӥосаз Росси гурт шудонъёсын вормизы кузёос — Воронеж улосвылысь спортсменъёс. 2-тӥ интыын Татарстанлэн командаез, куинетӥын — Челябинск улосвыллэн. Вераны кулэ, Росси шудонъёс элькун шудонъёсмылэсь кӧня ке висъясько. Удмуртиын радъяськись вожвылъяськонъёсын спорт амалъёс гинэ ке, Росси шудонъёслэн радлыказы пыртэмын скал кыскисьёслэн, турнасьёслэн но механизаторъёслэн ӵошатсконъёссы.

Мынам Удмуртие