Тодон-валан сётонъя «Тубат» ӵектос улонэ пыӵатӥське грант улсын. Со удмурт кылын потӥсь научно-популярной видеолекциосын сузьет. Сӥземын удмуртъёслэн кылзылы, лулчеберетсылы но сям-йылолъёссылы. Лекци лыдӟисьёс — этнографъёс, историкъёс, филологъёс но мукет тодосчиос.Таяз вие учкисьёссэс тодмато тодосчилэн Алексей Арзамазовлэн лекциеныз.
Видеолекция сӥземын туала удмурт литературалы. Алексей Арзамазов филологи тодосъёсъя доктор, тодмо кылбурчи, публицист, кылысь кылэ берыктись, Россиысь наукаосъя академилэн Удмуртиысь исследовательской центрысьтыз тодосъя валтӥсь ӧнерчи. Вераськон ӟуч титръёсын узырмытэмын. Азьпалан англи кылэ но берыктыны чаклало. Та дырлы грант улсын дасямын но огинэ поттэмын ни тодосчиен Александр Шкляевен, этнографен Андрей Прокопьевен лекциос.
Комментарии
Отправить комментарий